DRAGUTIN DOMJANIĆ, kajkavski lirik
ŠKRLAČEC NA VUHO
Škrlačec na vuho,
Za pantlekom cvet,
Pak kaj mi gdo more?
Ja vsaku smem glet.
Nasmejat se vsakoj
Smem, vesel i mlad.
I reći smem vsakoj,
Da imam ju rad.
Al kojoj najrajše
Bi štel da povem,
Baš toj niti reči
Povedat ne smem.
KAJ
Vre tičeki spiju
A šume mučiju,
Naj moja popevka zvoni
Po dolu i gaju,
Po dragomu kraju,
Od kojeg mi lepšega ni.
Tu brat mi je vsaki,
Tu doma sem taki,
Pogodit bi mogel i speć,
Poznati su puti,
Tu vsigde je čuti,
Ljubljenu domaću mi reč.
I srce mi greje
I z menom se smeje
I v žalosti plače takaj.
Em nikaj ni slajše,
Ne čuje se rajše
Neg dobri i dragi naš kaj
STARI ZAGREB
Vulice vuske i tužne
S kmicom v oblokih vsih
Zakaj ste meni tak drage,
Kaj mi tam korak tak tih?
V senci se stišćeju hiže,
Valjda je teško im stat,
Njim bi se štelo počinut
Njim bi se štelo vre spat.
Puno su videle toga,
Puno preteklo je let.
Stari poznanci su mrtvi
Stranjski je došel sad svet.
K cirkvi se žuriju staroj.
Čudni zasvetil se žar,
Tiha molitva se šepće,
V samom je zlatu oltar.
Onda zgasiju se svetla,
Zgineju ljudi, ki kam.
Kaj su to molili za nas,
Koje zlo dojde pak k nam?
V KESNI ČAS
Sad se trava k travi stišće,
K klasu zvija klas,
Moje srce tebe išće,
Vu taj kesni čas.
Noć je budna, noć je duga,
Negdo me gledi:
To pri zglavlju moja tuga
Tiho si sedi.
Ona zna, kaj srce čeka,
Kaj se ne veli,
Kaj nigdar se ne dočeka,
I kaj tak boli.
Sad se trava k travi stišće,
K zlatnom klasu klas,
Srce mi zabadav išće
Tebe v kesni čas.
FALA
Za vsaku dobru reč,
Kaj reći si mi znala,
Za vsaki pogled tvoj,
Za vsaki smeh tvoj, fala!
Tak malo dobroga
V živlenju tu se najde,
I če je sunce čas,
Za oblak taki zajde.
A ti si v srce mi
Tak puno sunca dala.
Kaj morem ti neg' reć:
Od vsega srca fala!
Dragutin Domjanić (Adamovec, 12. rujna 1875. – Zagreb, 7. lipnja 1933.), hrvatski kajkavski pjesnik.
Pisac koji je prvi u hrvatskoj književnosti cjelovitije, umjetnički zrelo ostvario melodioznost i ritmičnost kajkavskoga dijalektalnoga izraza.
Završivši studij prava, bio je u Zagrebu sudac i vijećnik Banskog stola. Bio je članom HAZU ( JAZU) i predsjednik Matice hrvatske (1921. - 1926). Prevodio je svjetski poznate liričare Goethea, Heinea,Verlainea itd.U borbi "starih" i "mladih" u okviru hrvatske moderne na strani je "mladih".
Ljubav prema prošlosti upućuje Domjanića kajkavskom narječju. U kajkavskom narječju spjevao je sve svoje pjesme.
Najpoznatije mu je djelo kajkavska zbirka: "Kipci i popevke", a pjesma Fala i Popevke sam slagal, je obje uglazbio Vlaho Paljetak.Skladateljica Ivana Lang je uglazbila nekoliko Domjanićevih pjesama. Njegova lirika, idilična, sentimentalna i rezignantna, podjednako obiluje i slikovitošću i glazbenošću.